Yaşlı olan və doğrudan da botoksa ehtiyacı olan xanımlar, eyni zamanda kişilər botoks üçün müraciət edə bilərlər. Bəzi qadınlar var ki, artıq onlarda 25 yaşdan etibarən qırışlar büruzə verməyə başlayır. Ümumiyyətlə, qırışlar nə vaxt əmələ gəlirsə, o zaman botoks edə bilərlər.
Botulinum toksin inyeksiyaları əsasən zərərsizdir və əks təsirləri azdır. Çox nadir hallarda insanlarda dərmana qarşı zəif gözlənilməz reaksiyaya səbəb olan genetik meyillilik mövcud olur. A tipli botulinum toksin qəbul edən insanların təxminən 1 faizi preparata qarşı immunitet qazanırlar və bu da növbəti prosedurların nəticəsiz olmasına gətirib çıxarır. Botulinum toksin bəzən istənməyən effektlər də verə bilər: İnyeksiya nahiyəsində yüngül ağrı, ödem (şiş), eritema (qızartı); uyuşma; baş ağrısı; diskomfort; yüngül ürək bulantıları; müvəqqəti zəiflik və ətraf əzələlərin müvəqqəti iflici; üst dodağın və ya qaşın müvəqqəti olaraq aşağı sallanması; alt göz qapağının və ya lateral rektusun (gözün hərəkətini təmin edən əzələ) zəifləməsi; disfogiya; boyunun zəifləməsi; qripəbənzər xəstəliklər; braxial pleksus zədələnmələri; öd kisəsinin disfunksiyası; diplopiya (bir şeyin 2 dənə görünməsi); qanaxma; bulanıq görmə; görmə qabiliyyətinin zəifləməsi; ağızın quruluğu; yorğunluq; övrə (urtikariya- dərinin allergik səpməsi); səpgilər; xırıltı; şişkinlik.
Xalq təbabətindən də fitokosmetik reseptlər edə bilərsiniz. Bu resept allergik dərilər üçün keçərli deyil.
Təbii botoks resepti
Bir xörək qaşığı limon suyu
Bir xörək qaşığı bal
Bir yumurta sarısı
Bir xörək qaşığı süd
Bir çimdik duz
Bir çay qaşığı zeytun yağı
Qarışdırın və təmizlənmiş üzə tətbiq edin
Quruduqdan sonra yenə hazırladığınız əlavə edin və üç dəfə təkrar etdikdən sonra tam qurumasını gözləyin sonra ilıq suyla yumaq günaşırı eyni proseduru iki ay edə bilərsiniz.

www.fitostore.az

---