Zoğal - Təbii immunitet

Zoğal - Təbii immunitet

Yabanı zoğal yəni təbii immunitet.
"Bu xalq böyük xalqdır: dərdini də bilir, dərmanını da."
Qədim yunan salnaməçisi və coğrafiyaçısı Strabonun yazdığına görə, məşhur bir loğman soyuq payız günü Qanıx (Alazan) çayının sahilində oturub çayda çimən uşaqlara tamaşa edirmiş. Suya baş vurub çimən uşaqların soyuqlayıb xəstələnəcəyindən narahat olan loğman görür ki, uşaqlar çaydan çıxıb kənardakı zoğal ağacına dırmaşaraq, meyvələri dərib yeməyə başladılar.
Loğman öz-özünə fikirləşir ki, bu xalq böyük xalqdır: dərdini də bilir, dərmanını da.
Soyuqdəyməni aradan götürən vasitə kimi zoğal xalq təbabətində indiyə kimi istifadə olunur.
Zoğal iltihab, bakteriya və virus əleyhinə təsirə malikdir. Zoğal dəmləməsi və mürəbbəsi soyuqdəymə və kəskin respirator infeksiyaları zamanı çox yaxşı müalicəvi təsir edir, hərarəti salır, immun sistemini möhkəmləndirir.
Qədim bir Qafqaz məsəlinə görə, zoğal bitən yerlərə həkim lazım deyil
Zoğal meyvələri çox gec - 2-3 aya yetişən bitkidir. 300 ilə qədər yaşayaraq meyvə verə bildiyi üçün uzunömürlü ağaclardan sayılır. Onu da qeyd edim ki, Neolit dövründən bəri mövcuddur.
Zoğal sinqa xəstəliyi (vitamin C çatışmazlığı zamanı yaranan ciddi xəstəlik) əleyhinə təsirinə görə uzaq məsafələrə üzən dənizçilərin, kosmonavtların qidasına daxil edilmişdir.
Zoğal meyvələrinin tərkibi fitonsid və pektinlərlə zəngindir.
Xalq təbabətində zoğal yarpaqlarından da geniş istifadə olunur. Damaq xəstəlikləri və iltihabları zamanı, ağız boşluğu iltihabları zamanı zoğal yarpaqlarının dəmləməsi çox yaxşı kömək edir.
Zoğal orqanizmdə gedən mübadilə prosesləri yaxşılaşdırır, piylərin daha tez parçalanmasını təmin edir.
Zoğal bədəndə infeksiyanın aradan qalxmasına yardım edər. Zoğal ishalı yaxşılaşdırar. Bir xörək qaşığı zoğalı bir stəkan suda qarışdırıb, 15 dəqiqə qaynadın. 15 dəqiqə dəm almaq üçün buraxın. İki gün ondan için və ishala yardım edər.
Qəbizliyi və babasili olanlar çox istifadə etməsin!

Rəylər

Oxşar məqalələr

Cökə - Ihlamur

Cökə - Ihlamur

AQAVA - Osteoxondroz zamanı

AQAVA - Osteoxondroz zamanı

Qusdurucu kök - İpekakuana

Qusdurucu kök - İpekakuana

Kalanxoe şirəsi

Kalanxoe şirəsi

Yapon Soforası

Yapon Soforası

Keçibuynuzuna bənzər meyvə

Keçibuynuzuna bənzər meyvə

Ortiliya - Borovaya matka

Ortiliya - Borovaya matka

Jasmin bitkisi

Jasmin bitkisi